Թուրքիայի ԱԳՆ-ն դատապարտել է ԱՄՆ դատարանի՝ Համբիկ Սասունյանին ազատ արձակելու մասին որոշումը

Մարտի 11-ին Թուրքիայի արտգործնախարարությունը հայտնել էր, որ խստորեն դատապարտում է Լոս Անջելեսի նահանգի Գերագույն դատարանի որոշումը՝ Թուրքիայի գլխավոր հյուպատոս Քեմալ Արըքանի «մարդասպանին» ազատ արձակելը. հաղորդում է Sabah-ը:

«Լոս Անջելեսի շրջանի Գերագույն դատարանը որոշում է կայացրել ազատ արձակել հայ ահաբեկիչ Համբիկ Սասունյանին, որը սպանել էր Թուրքիայի գլխավոր հյուպատոս Քեմալ Արըքանին, իսկ Կալիֆոռնիայի նահանգապետ Քևին Նյուսոմը հայտարարել է, որ չի բողոքարկի այդ որոշումը: Մենք խստորեն դատապարտում ենք այս մոտեցումը, որը խորապես վիրավորում է թուրք ազգի պատիվը»,- ասել է Թուրքիայի արտգործնախարարությունը:

Հայտարարության մեջ շեշտվում է, որ որոշումը չի վերանայվել՝ չնայած այն կանխելու՝ ԱՄՆ վարչակազմի բոլոր փորձերին: Թուրքիայի արտգործնախարարությունը շեշտել է, որ այս որոշումն անհամատեղելի է իրավունքի համընդհանուր սկզբունքների կամ արդարադատության ըմբռնման հետ:

Հիշեցնենք, որ Լոս Անջելեսի դատարանի որոշմամբ 39 տարի բանտում անցկացրած Համբիկ Սասունյանն ազատ կարձակվի։