Թուրքիայում ցմահ ազատազրկվել է Ռուսաստանի դեսպանի սպանության մեջ ներգրավված հինգ անձ

Թուրքիայում Ռուսաստանի դեսպան Անդրեյ Կառլովի սպանությանը մասնակցելու մեջ մեղադրվող հինգ անձինք դատապարտվել են ցմահ ազատազրկման: Այս որոշումը կայացրել է Անկարայի՝ հատկապես ծանր հանցագործությունների երկրորդ դատարանը: Հինգ մարդ արդարացվել է, գործով ներգրավված ինը անձ դատապարտվել է ազատազրկման 5-ից 15 տարի ժամկետով:

Սալիհ Յըլմազը ցմահ ազատազրկման դատապարտվածների թվում է: Հետաքննության համաձայն՝ հենց նա է «հրաման տվել» սպանել Կառլովին: Առավելագույն խստությամբ է դատապարտվել նաև «մարդասպանի ենթադրյալ համակարգող» Շահին Սյողյութը: Սպանած անձը՝ Մևլյութ Մերթ Ալթընթաշը, սպանվել է անվտանգության ուժերի հետ փոխհրաձգության արդյունքում:

ՏԱՍՍ-ը հայտնում է, որ գործով ամբաստանյալների պաշտպանական կողմը մտադիր է բողոքարկել վճիռը:

Ռուսաստանի արտգործնախարարությունը հայտարարել է, որ գոհ է գործի արդյունքներից, մասնավորապես՝ այն փաստից, որ «Թուրքիայի իրավապահ և դատական համակարգերը վերջապես որոշում կայացրին այս ողբերգական դեպքի վերաբերյալ, որը ծանր հետք էր թողել ռուս-թուրքական ժամանակակից հարաբերությունների պատմության մեջ»: