Հինգ վրացի ֆուտբոլիստներ ցմահ որակազրկվել են

Վրացի հինգ ֆուտբոլիստներ մեղադրվում են պայմանավորված խաղեր անցկացնելու մեջ. նրանց գործի վրա բռնացրել են և ցմահ որակազրկել: Որոշումը կայացվել է մայիսի 10-ին Վրաստանի ֆուտբոլի ֆեդերացիայի գործադիր կոմիտեի նիստում:

Ինչպես նիստից հետո հայտնել է ֆեդերացիայի նախագահ Զվիադ Սիչինավան, ցմահ ազատազրկմանը կողմ են արտահայտվել 9 անդամ, իսկ 8-ը պահանջել են որակազրկել 5 տարով:

Ֆուտբոլային կարիերան ավարտել են «Սամտրեդիա» թիմի ավագ Սպարտակ Գոգիան, ֆուտբոլիստ Կախաբեր Կիրտաձեն, Զուգդիդի «Բաիա»-ի ավագ Ռոինա Օնիանին, այդ ակումբի ֆուտբոլիստ Լևան Վարտագավան եւ Թբիլիսիի «Վիտ-Ջորջիա» թիմի խաղացող Գիգի Բեչվաիան:

Դեռևս մայիսի 2-ին Վրաստանի ՆԳՆ-ն  հայտնել էր ֆուտբոլիստների և տոտալիզատորների միջև գործարքի բացահայտման մասին: