Միջուկային գործարքը չի կարող վերանայվել. Իրանի ԱԳՆ ղեկավար

Իրանի արտգործնախարար Մոհամադ Ջավադ Զարիֆը թվիթերյան գրառում է արել ու ընդգծել է այն փաստը, որ իրանական միջուկային գործարքը, որը հայտնի է որպես Գործողությունների համատեղ համապարփակ ծրագիր (JCPOA), չի կարող վերանայվել: Այս մասին մարտի 5-ին հայտնել է իրանական IRNA գործակալությունը:

Զարիֆը նաև նշել է. «Եթե 2021 թվականը 2015 թվականը չէ, ապա այն նաև 1945 թվականը չէ: Ուստի եկեք փոխենք ՄԱԿ-ի կանոնադրությունը և հանենք այն վետոն, որը մենք այդքան հաճախ չարաշահում ենք: Եկեք դադարենք ցուցադրել՝ ինչ արդյունքներ մենք ունեցանք 2003-2012 թվականներին, և սկսենք իրականացնել JCPOA-ն, որը երկուսս էլ իրականում ստորագրել ենք»:

Ավելի վաղ Զարիֆն ԱՄՆ-ից պահանջել էր շտկողական գործողություններ կատարել Գործողությունների համատեղ համապարփակ ծրագրի (JCPOA) համաձայն ստանձնած պարտավորություններում:

Իսկ Իրանի նախագահ Հասան Ռոհանին ասել է, որ Վաշինգտոնը պետք է վերադառնա JCPOA-ին՝ վերացնելով բոլոր պատժամիջոցները և ձեռնարկելով գործնական միջոցներ: Նա նշել է, որ վերջին չորս տարիների ընթացքում միջազգային հանրությունը ականատես է եղել ԱՄՆ-ի ապօրինի մոտեցմանը և Իրանի դեմ լայնածավալ տնտեսական պատերազմին: Ըստ Ռոհանիի` այդ դաժան ու անօրինական պատժամիջոցներն անուղղելի վնաս են հասցրել երկրի կառավարությանը և ժողովրդին: