Էրդողանը մեղադրել է Արևմուտքին իսլամաֆոբիային չդիմակայելու մեջ

Թուրքիայի նախագահ Ռեջեփ Թայիփ Էրդողանը մեղադրել է Արևմուտքին իսլամաֆոբիային դիմակայումը ձախողելու մեջ:

«Մուսուլմանների սրբազան արժեքների վրա հարձակումներն այժմ համառորեն անտեսվում են մտքի ազատության պատրվակով: Այնպիսի ծրագրեր, ինչպիսիք են եվրոպական իսլամը, ֆրանսիական իսլամը և ավստրիական իսլամը, միաժամանակ կիրառվում են մաուսուլմանների վրա ճնշում գործադրելու համար»,- Էրդողանին է մեջբերում NTV- ն:

Թուրքիայի ղեկավարը շեշտել է, որ այդ գործողությունները «խզում են եվրոպացի մուսուլմանների կապերն իրենց հայրենիքի և իսլամական ումմայի (համայնք) հետ»`ավելացնելով, որ այս դեպքում թիրախը Թուրքիան է:

Հիշեցնենք, որ անցյալ տարի եվրոպական պետությունների և այս երկրներում բնակվող մուսուլմանական փոքրամասնությունների միջև լարվածություն էր առաջացել:

Հոդվածը հիշեցնում է, որ Ֆրանսիայում մի շարք ահաբեկչություններից հետո նախագահ Էմանուել Մակրոնը բացահայտ հայտարարել էր ֆրանսիական իսլամը բարեփոխելու՝ իր ծրագրերի մասին: Ավստրիայի կանցլեր Սեբաստիան Կուրցը խոստացել էր նույնն անել Վիեննայում ԻՊ-ի կողմնակիցների կողմից իրականացված ահաբեկչությունից հետո:

Էրդողանը հասկացրել է, որ այս քաղաքականությունը համարում է ուղղված Թուրքիայի դեմ: Նա ասել է, որ եվրոպական որոշ երկրների կողմից այդպիսի քաղաքականությունը «պատահական չէ» և նպատակ ունի «սաբոտաժի ենթարկել Թուրքիային ասիմետրիկ մեթոդներով, անհիմն մեղադրանքներով և պնդումներով» այն բանից հետո, երբ նրանք չեն կարողացել դիմակայել Անկարային այնպիսի հարցերում, ինչպիսին է «վիճելի Լեռնային Ղարաբաղի տարածաշրջանում» հակամարտությունը։