Անցյալ տարի մենք երեք անգամ Թուրքիայի հետ պատերազմ շեմին էինք. Հունաստանի ՊՆ

2020-ին Հունաստանը երեք անգամ հայտնվել է Թուրքիայի հետ պատերազմի շեմին՝ Oruç Reis հետազոտական նավի գործունեության արդյունքում առաջացած ճգնաժամի պատճառով.  հայտարարել է Հունաստանի պաշտպանության նախարար Նիկոս Պանայոտոպուլոսը։

«Հունաստանում երեք անգամ հայտարարվել է Թուրքիայի դեմ զինված ուժերի ընդհանուր մոբիլիզացման մասին: Նավատորմը մոբիլիզացիայի կենտրոնում էր, տեղակայվել էր Միջերկրական ծովի արևելքում և մեզ հայտնի շատ դեպքերում մոտեցել էր թուրքական նավերին: Բայց բոլոր ուժերը՝ սկսած ռազմաբազաներում գտնվող զինված ինքնաթիռներից մինչև սահմանին գտնվող մարտական ստորաբաժանումները, պատրաստ էին իրադարձությունների ցանկացած զարգացման: Մենք վստահ էինք, որ զորահավաքը կանխարգելիչ ազդանշան կուղարկի մյուս կողմին: Այսինքն՝ հակառակորդները չեն համարձակվի ռազմական առճակատման մեջ մտնել, քանի որ գիտեն՝ ստիպված կլինեն մեծ կորուստներ կրել: Սա գործնականում զսպման հաստատում է, և կարող եմ ասել, որ այդ արդյունքին հասել ենք զինված ուժերի ընդհանուր մոբիլիզացման միջոցով: Պետք է նշել, որ լարվածության և սրման որոշ պահեր եղել են»,- հավելել է նախարարը: