Ուկրաինայի ՌԾՈՒ հրամանատարն ու «Բայրաքթար»-ի «հայրը» բանակցել են Ուկրաինային մեծ թվով ԱԹՍ-ներ փոխանցելու շուրջ

Ըստ թուրքական ԶԼՄ-ների՝ այս շաբաթ Օդեսայում բանակցություններ են վարվել Հալուք Բայրաքթարի (նույնանուն անօդաչու թռչող ընկերության գործադիր տնօրեն) և Ուկրաինայի ռազմածովային ուժերի հրամանատար Ալեքսեյ Նեյժպապայի միջև: Վերջինս հայտարարել է, որ այս տարի Կիևը կստանա արդիականացված «Բայրաքթար»-ներ, իսկ թուրքական անօդաչու թռչող սարքերի «հայրը», իր հերթին, հավաստիացրել է, որ Ուկրաինան ստացել է բոլոր նորագույն տեխնոլոգիաները, որոնք ունի Թուրքիան:

«Դե, ևս մեկ անգամ կարելի է զարմանալ նրանց հեռատեսության վրա, ովքեր այս տարիների ընթացքում խոսում էին Էրդողանի`որպես (ՌԴ) «ընկերոջ և գործընկերոջ» հուսալիության մասին», - գրում է ռուս ռազմական թղթակից Յուրի Կոտենոկը։