Պուտինը, Փաշինյանը և Ալիևը Մոսկվայում սկսել են եռակողմ բանակցությունները Արցախի վերաբերյալ

Կրեմլում մեկնարկել են Ռուսաստանի և Ադրբեջանի նախագահներ Վլադիմիր Պուտինի ու Իլհամ Ալիևի և Հայաստանի վարչապետ Նիկոլ Փաշինյանի եռակողմ բանակցությունները:

Դեմ առ դեմ հանդիպումը նախաձեռնել է Ռուսաստանը:

Ավելի վաղ Կրեմլի մամուլի ծառայությունը հայտնել էր, որ կողմերը նախատեսում են քննարկել Լեռնային Ղարաբաղի վերաբերյալ երեք երկրների ղեկավարների՝ 2020 թվականի նոյեմբերի 9-ի հայտարարության կատարումը և քննարկել տարածաշրջանի խնդիրների լուծման հետագա քայլերը: Ակնկալվում է, որ քաղաքական գործիչները հատուկ ուշադրություն կդարձնեն ռազմական գործողություններից տուժած տարածքների բնակիչներին օգնություն ցուցաբերելու, ինչպես նաև առևտրատնտեսական և տրանսպորտային կապերը ապաշրջափակելու ու զարգացնելու հարցերին: