Թուրքիան և Մեծ Բրիտանիան ստորագրել են ազատ առևտրի համաձայնագիր

Թուրքիայի առևտրի նախարար Ռուհսան Փեքջանը և հանրապետությունում Մեծ Բրիտանիայի դեսպան Դոմինիկ Չիլքոտը երեքշաբթի Անկարայում ստորագրել են երկրների միջև ազատ առևտրի համաձայնագիր: Արարողությունը հեռարձակել է TRT հեռուստաալիքը. հաղորդում է ՏԱՍՍ-ը:

«Մեծ Բրիտանիայի հետ ազատ առևտրի համաձայնագիրը կդառնա երկու երկրների հետագա տնտեսական համագործակցության բանալին: Մենք ուրախ ենք, որ կատարում ենք այն խոստումները, որոնք տվել ենք թուրքական և բրիտանական բիզնեսներին: Այս համաձայնագիրը կդառնա նշանակալի իրադարձություն երկու երկրների հարաբերություններում, այն ուժի մեջ կմտնի 2021 թվականի հունվարի 1-ից և տարածվելու է բոլոր տեսակի արդյունաբերական և գյուղատնտեսական ապրանքների վրա»,- ասել է Փեքջանը:

Նման պայմանագրի կնքումն անհրաժեշտ է դարձել այն բանից հետո, երբ Մեծ Բրիտանիան լքել է ԵՄ-ն (Brexit), որի հետ Թուրքիան համաձայնագիր ունի մաքսային միություն ստեղծելու մասին: Դեկտեմբերի 24-ին ԵՄ-ն և Մեծ Բրիտանիան համաձայնության եկան հարաբերությունների մասին անցումային շրջանի ավարտից հետո՝ դեկտեմբերի 31-ին: