ՏԵՍԱՆՅՈՒԹ․ Ոստիկանները անհամաչափ ուժ կիրառեցին․ Քրիստինե Վարդանյան

Բողոքի գործողությունները շարունակվելու են այնքան ժամանակ, քանի դեռ Նիկոլ Փաշինյանը վարչապետ է և դավաճան ռեժիմը շարունակում է զբաղեցնել իշխանությունը՝ ըստ Yerkir.am-ի ասաց ՀՅԴ անդամ Քրիստինե Վարդանյանը՝ ՀՅԴ կազմակերպած անհանզանդության ակցիայի ժամանակ, որն ընդհատեցին ոստիկանները՝ բռնի ուժով բերման ենթարկելով ցուցարարներին։

«Երևի Ոստիկանությանը հրահանգված է ամեն գնով լռեցնել բողոքի ձայն բարձրացնողներին»,-ասաց Քրիստինե Վարդանյանը։

Նա փաստեց, որ ոստիկանները անհամաչափ ուժ կիրառեցին, որի հետևանքով վնասվածք է ստացել բաժին տեղափոխված՝ ակցիայի մասնակիցներից մեկը։

«Բազմաթիվ մարդիկ տեղափոխվել են տարբեր բաժիններ, մենք էլ մնացել ենք հրապարակում՝ շուրջօրյա նստացույց իրականցնող ցուցարարների հետ»,-ասաց Քրիստինե Վարդանյանը։

Նշենք, որ Ոստիկանությունը հայտնում է բերման ենթարկված 17 քաղաքացու մասին։ Այսօր առավոտյան՝ կառավարությունը շրջափակելու ակցիայի ժամանակ բռնի ուժով բերման ենթարկվեցին մոտ 70 խաղաղ ցուցարարներ։

Մանրամասն՝ տեսանյութում․