Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2020-12-20 23:42
Քաղաքական

Սովետական Հայաստանի սահմանները և Նիկոլ-Ալիև GPS-ը. պետական դավաճանության քարտեզային տեսքը

Սովետական Հայաստանի սահմանները և Նիկոլ-Ալիև GPS-ը. պետական դավաճանության քարտեզային տեսքը
«Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը գրում է.
 
«Նոյեմբերի 9-ի կապիտուլյացիոն ակտի ստորագրումից ու Արցախի պետականության հանձնումից հետո Նիկոլ Փաշինյանն անցել է Հայաստանի սահմաններին:
 
Ըստ «ժողովրդի» վարչապետի՝ Ադրբեջանի հետ հատվող մեր սահմաններն այժմ ճշգրտվում են սովետական քարտեզներով: Նիկոլը նաև GPS-ի միջոցով սահմանների ճշգրտման մասին է խոսում:
 
Դեռ մի կողմ թողնենք այն հանգամանքը, որ նոյեմբերի 9-ի եռակողմ համաձայնագրում որևէ կետ չկա այն մասին, որ Սյունիքի մարզում պետք է սահմանագծում իրականացվի սովետական քարտեզներով (GPS-ով սահմանազատման մասին նույնպես խոսք չկա): Բայց եթե նույնիսկ հիմք ընդունենք սովետական քարտեզը, ապա այսօր առկա խնդիրները պետք է չլինեին:
 
Կից ներկայացված են սովետական Հայաստանի ու Ադրբեջանի հատվող կետերը: Սովետական տարիներին հրապարակված քարտեզից պարզ է դառնում, որ մեր ճանապարհները Սյունիքի մարզում միայն մի փոքր տեղ են ընկնում սովետական Ադրբեջանի տարածքի մեջ (նկարում այդ հատվածը վերցված է կարմիր օղակի մեջ):
 
Իսկ եթե «գուգլ» համակարգով ենք նայում սահմանազատմանը և GPS կիրառում, ապա պարզվում է, որ մեր ավտոճանապարհներն ու բնակավայրերը բազմաթիվ տեղերում են հայտնվում Ադրբեջանի «տարածքում»: Դա նշանակում է, որ նավթադոլարներով Բաքուն կարողացել է պարզապես «գուգլից» գծանշումներ գնել և GPS-ը կիրառել իր օգտին:
 
Նիկոլն Ալիևի ուզած ձևով ու GPS կոչվածով է սահմանազատում իրականացնում, ինչը պետական դավաճանության ուղիղ ապացույց է, քանզի ՀՀ տարածքային ամբողջականության խախտում է տեղի ունենում՝ վարչապետի գործուն միջամտությամբ:
 
Ադրբեջանցի զինվորականները մտել են Որոտանի ու Շուռնուխի ճանապարհահատվածի վրա, ինչը ոտնձգություն է մեր պետական սահմանների նկատմամբ, իսկ Նիկոլը մատը մատին չի տալիս ու շարունակում է ադրբեջանամետ ուղերձները: Դրա համար էլ Ալիևը փրփուրը բերանին իրենց Նիկոլին էր պաշտպանում ԱՊՀ միջոցառման ժամանակ:
 
Նիկոլը հայտարարում է, որ այդ սահմանազատումների արդյունքում Սյունիքի մարզի բնակիչների կյանքն ավելի անվտանգ է դառնալու, բայց նույն ոճով նա ամիսներ առաջ հայտարարում էր, որ Արցախի օդն անվտանգ է, քանզի իրենք ՀՕՊ համակարգեր են ձեռքբերել:
 
Հ.Գ.: Նիկոլի թիմակիցները սկսել են ագրեսիվ պրոադրբեջանական քարոզ տանել, թե բա ո՞նց կլինի, հայերը մտել են ուրիշի տարածք, 26 տարի տիրել, տներ կառուցել ու հիմա չեն ուզում այդ տարածքները հանձնել տիրոջը՝ Ադրբեջանին:
 
Ի դեպ, այդ քարոզիչը Նիկոլի միջոցով պետբյուջեից հսկայական գումարներ է ստացել՝ «Հայաստանն իմ օջախն է, ժողովուրդն իմ ընտանիքն է» ախմախագույն նախադասությունը գովազդելու համար»:
 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը