Բորելի կարծիքով՝ Ռուսաստանն ու Թուրքիան «աստանացնում են» հակամարտությունները Ղարաբաղում, Սիրիայում և Լիբիայում

ԵՄ դիվանագիտության ղեկավար Ժոզեպ Բորելի կարծիքով՝ Ռուսաստանը և Թուրքիան «աստանացնում են» (Սիրիայի կարգավորման Աստանայի ձևաչափի նման) հակամարտությունները Լեռնային Ղարաբաղում, Սիրիայում և Լիբիայում, այսինքն՝ ԵՄ-ին դուրս են մղում կարգավորման գործընթացից: Համապատասխան հայտարարությունը նա արել է հինգշաբթի իր բլոգում:

«Նման հակամարտություններում, ինչպիսիք են Լեռնային Ղարաբաղը, Լիբիան և Սիրիան, մենք դիտարկում ենք տարածաշրջանային հակամարտությունների «աստանացում», ինչը հանգեցնում է Եվրոպայի դուրս մղմանը տարածաշրջանային հակամարտությունների լուծման գործընթացից՝ հօգուտ Ռուսաստանի և Թուրքիայի»,- ասել է Բորելը:

Ըստ նրա՝ ԵՄ-ն պետք է ներկա լինի այնտեղ, որտեղ վտանգված են միության շահերը: «Ուստի մենք պետք է վերացնենք մեր կարողությունների շատ բացեր, ինչպես նաև ներկա գտնվենք և ակտիվ լինենք այնտեղ, որտեղ վտանգվում են մեր շահերը»,- հավելել է Բորելը: