Թուրքիան ցանկանում է ձեռք բերել հարյուրավոր կամիկաձե-ԱԹՍ-ներ՝ Լիբիայում և Սիրիայում ռուսական «Պանցիրները» ոչնչացնելու համար

Թուրքիան նախատեսում է ձեռք բերել 356 միավոր Kargu կամիկաձե-ԱԹՍ-ներ: Թուրքիայի Պաշտպանության նախարարությունը հարյուրավոր անօդաչու թռչող սարքեր է ձեռք բերելու թուրքական Defense Technologies Engineering and Trade ընկերությունից:

Փորձագետները կարծում են, որ կամիկաձեները կարող են օգտագործվել Թուրքիայի կողմից՝ ոչնչացնելով ռուսական արտադրության «Պանցիր»  հրթիռա-թնդանոթային համակարգերը, որոնք տեղակայված են Սիրիայում և Լիբիայում: Նշվում է, որ 20 Kargu անօդաչուները կարող են միավորվել մեկ «երամի» մեջ, ինչը «կարող էր թուրքական զորքերին նոր հնարավորություն ընձեռել՝ պոտենցիալ փոխելով խաղը»:

Kargu անօդաչուների առաջին սերունդը ներկայացվել է 2017 թվականին: 2019 թվականին Թուրքիան «Կարգու-2»-ը տեղակայեց սիրիական-թուրքական սահմանին՝ ռազմական գործողությունների համար: Kargu-2 անօդաչու սարքն ունի ժամում 145 կմ արագություն: Այն ունի 15 կիլոգրամ քաշ, իսկ դրա թռիչքի տևողությունը՝ 30 րոպե: Ավելին, այն կարող է հեռացվել օպերատորից 10 կիլոմետրով: Եվ սա նրա հիմնական մինուսն է, քանի որ այն կարելի է վերահսկել, ըստ էության, միայն տեսանելի վայրում: Բացի այդ, Kargu-ն կարող է խոցվել նույնիսկ փոքր զենքերից: