Ավելի վաղ Իրաքում, Սիրիայում, Լիբիայում, Ղարաբաղում, իսկ այժմ Աֆղանստանում ոչ մի երկիր նման անձնազոհություն չի ցուցաբերել, ինչպես Թուրքիան. Էրդողան

Չկա այլ երկիր, որը ողբերգությունների առջև նույնքան սկզբունքային լինի, որքան Թուրքիան: Ավելի վաղ Իրաքում, Սիրիայում, Լիբիայում, Ղարաբաղում, իսկ այժմ Աֆղանստանում ոչ մի երկիր նման անձնազոհություն չի ցուցաբերել, ինչպես Թուրքիան. ասել է Թուրքիայի նախագահ Ռեջեփ Թայիփ Էրդողանը։

Նա նշել է, որ Թուրքիան շարունակում է իրեն պահել նույն մարդասիրությամբ՝ առաջնորդվելով եղբայրության և մարդասիրության սկզբունքներով, բայց ապագայում միայնակ պատասխանատվություն չի կրի միգրացիայի հետ կապված հարցերում:

«Թուրքիան օթևանել է միլիոնավոր փախստականների։ Մերսինը մեր շրջաններից է, որն ապաստանել է ամենամեծ թվով միգրանտների և ահաբեկչության ենթարկված անձանց, և  դրանով մեծ բեռ են վերցրել իրենց վրա: Բայց եկել է ժամանակը, որ այլ շրջանակներ, այդ թվում՝ եվրոպական երկրները, ավելի իրատեսորեն գործեն և գործնական քայլեր ձեռնարկեն միգրանտների հարցում: Մենք պաշտպանում ենք հումանիզմի սկզբունքները, բայց ապագայում թույլ չենք տա ո՛չ Մերսինին, ո՛չ մեր մյուս նահանգներին զգալ միգրանտների հետ կապված բեռը»,- հայտարարել է Էրդողանը։