կարևոր
4342 դիտում, 1 տարի առաջ - 2022-10-07 17:36
Աշխարհ

Անհրաժեշտ է միջոցներ մշակել ԱՊՀ անդամ երկրների միջև հակամարտությունները լուծելու համար. Պուտին

Անհրաժեշտ է միջոցներ մշակել ԱՊՀ անդամ երկրների միջև հակամարտությունները լուծելու համար. Պուտին

Անհրաժեշտ է միջոցներ մշակել ԱՊՀ անդամ երկրների միջև հակամարտությունները լուծելու համար, հայտարարել է ՌԴ նախագահ Վլադիմիր Պուտինը ԱՀՊ ղեկավարների ոչ պաշտոնական գագաթնաժողովում։ Նրա խոսքով՝ նման միջոցների բացակայությունը կարող է հանգեցնել ողբերգական իրադարձությունների, ինչպիսիք են Ուկրաինայում տեղի ունեցողները, գրում է news.ru-ն։

Բացի Ուկրաինայից, որտեղ իսկապես ողբերգական իրադարձություններ են տեղի ունենում, ցավոք, երբեմն հակամարտություններ են ծագում հետխորհրդային տարածքի այլ մերձավոր պետությունների միջև։ Սա, իհարկե, պահանջում է դրանց լուծմանն ուղղված միջոցառումների մշակում, ընդգծել է ՌԴ նախագահը։

Ավելի վաղ Պուտինը հայտարարել էր, որ հավաքական Արևմուտքը մշակում է ԱՊՀ երկրներում նոր հակամարտությունների սցենարներ՝ նպատակ ունենալով այդ երկրները վերածել ճգնաժամի էպիկենտրոնի, այնտեղ գունավոր հեղափոխություններ հրահրել և «արյունալի ջարդ» սանձազերծել։ Ուստի, ըստ նրա, ԱՊՀ անդամները պետք է ուժեղացնեն փոխադարձ աջակցությունը։

Ռուսաստանի ղեկավարի խոսքով՝ ԱՊՀ երկրներում հակամարտությունների հրահրման հիմնական պատճառը Խորհրդային Միության փլուզումն էր։ Որպես օրինակ նա բերել է Ուկրաինայի փորձը՝ ընդգծելով, որ եթե նախկին ԽՍՀՄ երկրներում հակամարտության սրումը ժամանակին չկանգնեցվի, հարվածի տակ կարող է հայտնվել ամբողջ Ասիա-խաղաղօվկիանոսյան տարածաշրջանը։