Հանրահավաքից առաջ կրկին ՀՔԾ է հրավիրվել ՀՅԴ ՀԳՄ ներկայացուցիչ Իշխան Սաղաթելյանը

ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանն այսօր նախատեսված հանրահավաքից առաջ կրկին հրավիրվել է ՀՔԾ։ Այս մասին Yerkir.am֊ը տեղեկացավ ՀՅԴ հանրային կապերի գրասենյակից։

Ըստ տեղեկությունների՝ ՀՅԴ Հայաստանի Գերագույն մարմնի ներկայացուցչին մեղադրանք են առաջադրելու։

Նշենք, որ վերջին օրերին իրավապահ մարմինների կողմից իրականացվող բռնությունների, ձերբակալությունների և քաղաքական գործիչների հանդեպ հարուցված անհեթեթ քրեական գործերի միջոցով իշխանությունները նպատակ են հետապնդում ճնշել հասարակական շարժումն ընդդեմ իշխանությունների։

Հիշեցնենք, որ այսօր՝ ժամը 18-ին, Ազատության հրապարակում Նիկոլ Փաշինյանի հրաժարականի պահանջով հանրահավաք է կայանալու: