Իրանը հայտարարել է Հյուսիս-հարավ միջանցքի երկաթուղու մոտալուտ շահագործման մասին

Հյուսիս-հարավ տրանսպորտային միջանցքը շուտով իրականություն կդառնա Իրանում երկաթուղու շինարարության ավարտից հետո. նոյեմբերի 10-ին Շանհայի համագործակցության կազմակերպության անդամ պետությունների ղեկավարների հանդիպման ժամանակ հայտարարել է Իրանի նախագահ Հասան Ռոհանին:

«Ուրախ եմ տեղեկացնել, որ շուտով, երկաթուղային գծի ավարտից հետո, Հյուսիս-հարավ միջանցքը իրականություն կդառնա և հսկայական հնարավորություններ կստեղծի տարանցիկ փոխադրումների համար», - ասել է նա:

Ռոհանին հավելել է, որ երկրի հյուսիսից նույնպես ճանապարհ է կառուցվում դեպի Պարսից ծոցի նավահանգիստ, որը Ռուսաստանի համար լրացուցիչ տարանցիկ հնարավորություններ կստեղծի:

Հյուսիս-հարավ միջանցքը պետք է կապի Հնդկաստանը և Արևմտյան Եվրոպան Իրանի և Ռուսաստանի միջով: