Դարձյալ Վրաստանի օդային տարածքով՝ Թել Ավիվից Բաքու

Ադրբեջանական Silk Way Airlines ավիաընկերության բեռնատար Boeing 747-ը, որը պատերազմող երկիր զենք է մատակարարում, Թել Ավիվից (Իսրայել) թռչում է Բաքու (Ադրբեջան). հայտնում է Военный обозреватель թելեգրամյան ալիքը։

«Այն թռչում է Թուրքիայի և Վրաստանի օդային տարածքով. վերջինս պաշտոնապես արգելում է ռազմական բեռների տարանցումն իր տարածքով»,– գրում է ալիքը։

Նշենք, որ թեև Վրաստանը արգելել է իր տարածքով դեպի Հայաստան կամ Ադրբեջան բեռների փոխադրումը, այնուամենայնիվ, արդեն բազմիցս արձանագրվել են դեպքեր, երբ Վրաստանը թույլատրել է իր տարածքով տարանցումը դեպի Ադրբեջան։

Հիշեցնենք, որ երեկ արդեն հայտնել էինք, որ դեպի Բաքու թռիչք է իրականացվել Կիևից՝ Կիև–Միլան երթուղու անվան տակ։