ԵՄ խորհուրդը պատժամիջոցներ կմտցնի Լուկաշենկոյի նկատմամբ, եթե իրավիճակը Բելառուսում չբարելավի

ԵՄ երկրների ԱԳ նախարարները Լյուքսեմբուրքում հանդիպման ժամանակ համաձայնել են պատժամիջոցներ կիրառել Բելառուսի նախագահ Լուկաշենկոյի նկատմամբ, եթե այդ երկրում իրավիճակը չբարելավվի։ Այս մասին ասված է նրանց տարածած հաղորդագրության մեջ։ Վերջնական որոշման կայացման ժամկետները չեն հստակեցվել, հաղորդում է ՏԱՍՍ-ը։

«ԵՄ խորհուրդը հայտարարում է, որ պատրաստ է նոր սահմանափակող միջոցառումներ կիրառել ինստիտուտների եւ բարձրաստիճան պաշտոնյաների, այդ թվում Լուկաշենկոյի նկատմամբ, եթե իրավիճակն այդ երկրում կբարելավվի»,-ասված է փաստաթղթում։

Հայտարարությունում նշվում է, որ ԵՄ-ն պահանջում է Մինսկից դադարեցնել ոստիկանական հակազդեցությունը բողոքի ակցիաներին, ազատ արձակել բոլոր ձերբակալվածներին եւ երկխոսություն սկսել ընդդիմադիր շարժման ղեկավարների հետ։

ԵՄ-ն կկրճատի երկկողմ համագործակցությունը Բելառուսի կենտրոնական իշխանությունների հետ եւ լրացուցիչ ֆինանսավորում կհատկացնի ընդդիմադիր շարժմանը, ներառյալ հասարակական կազմակերպություններին եւ ոչ պետական լրատվամիջոցներին։ Այս ամենի համար հստակ ժամկետներ չեն նշվել։