Բրիտանացի պատգամավորներ Ռուպա Հուքի և Ջեյմս Մյուրեյի նամակը ԼՂ հակամարտության մասին` ուղղված ՄԹ Եվրոպական հարևանության և Ամերիկայի հարցերով նախարար Ուենդի Մորթոնին

Yerkir.am-ը ստորև ներկայացնում է ՄԹ խորհրդարանի Կենտրոնական Իլինգի և Ակտորի պատգամավոր Ռուպա Հուքի և Հյուսիսային Իլինգի պատգամավոր Ջեյմս Մյուրեյի նամակը` ուղղված  ՄԹ Եվրոպական հարևանության և Ամերիկայի հարցերով նախարար Ուենդի Մորթոնին։ 

Հարգելի' Ուենդի 

Հայաստանի և Ադրբեջանի հակամարտությունը

Շնորհակալություն անցյալ շաբաթ մեր և նախարար Քեթրինի հետ կառուցողական հանդիպման համար, որի ընթացքում քննարկվում էր Հայաստանի և Ադրբեջանի միջև առկա հակամարտությունը: Պայմանավորվածության համաձայն` մենք գրում ենք, որպեսզի ուղղենք մանրամասն հարցեր, որոնք վեր են հանված Անգլիայի Հայ դատի գրասենյակի կողմից։ Ստորև ներկայացնում ենք այդ հարցերը։ 
Մենք երախտապարտ կլինենք, եթե կարողանաք մեզ տեղյակ պահել` այս նամակին պատասխանելով: 

Արդյո՞ք Մեծ Բրիտանիայի կառավարությունը կարող է`

1. աջակցել Ադրբեջանի և Թուրքիայի կողմից Հայաստանի ապօրինի շրջափակմանը և Արցախի Հանրապետության մեկուսացմանը վերջ տալուն,
2. խստորեն պահանջել իրականացնել մոնիտորինգի մեխանիզմներ՝ Ադրբեջանի և Հայաստանի միջև ներկայիս լարվածությանը միջնորդելու համար,
3. աջակցել Արցախի Հանրապետության պաշտոնական ճանաչմանը,
4. աջակցել Արցախի ինքնորոշման և անկախության իրավունքի ճանաչմանը և ուղղակի հումանիտար օգնության տրամադրմանը Մեծ Բրիտանիայից։

Հանդիպման ժամանակ արդեն նշել ենք, որ ամենամեծ հայկական բնակչություն ունեցող շրջաններն են Կենտրոնական Իլինգը և Ակտոնը, Հյուսիսային Իլինգը, Բրենթֆորդն ու Իսլուորդը։ Մենք վստահ ենք, որ նրանք ուրախ կլինեն Ձեզ հյուրընկալել` Հայ դատի ներկայացուցիչների հետ հանդիպելու համար։ 

Մեկ անգամ ևս շնորհակալ ենք, որ հանդիպում ունեցաք մեզ հետ անցյալ շաբաթ։ Մենք հուսով ենք, որ Մեծ Բրիտանիայի կառավարությունը կշարունակի աշխատել Հայաստանի և Ադրբեջանի հետ՝ երկրների միջև լարվածությանը միջնորդելու և խաղաղություն պահպանելու համար։

Անկեղծորեն Ձեր` 

Ռուպա Հուք, Ջեյմս Մյուրեյ 

22.09.2020