Ծնվել է Ջիջի Հադիդի և Զեյն Մալիքի դուստրը

Աշխարհի ամենաբարձր վարձատրվող մոդելներից մեկի՝ 25-ամյա Ջիջի Հադիդի և 27-ամյա Զեյն Մալիքի ընտանիքում համալրում է տեղի ունեցել. նրանք առաջին անգամ ծնողներ են դարձել: Այս մասին լուրը հայտնել է «One Direction» բրիտանական խմբի նախկին մենակատար Զեյնը՝ հրապարակելով դստեր առաջին լուսանկարը։

Իր թվիթերյան պաշտոնական միկրոբլոգում նա գրել է. «Մեր փոքրիկն այստեղ է՝ ուրախ ու գեղեցիկ։ Անհնար կլիներ փորձել բառերով արտահայտել այն, ինչ հիմա զգում եմ։ Սերը, որ զգում եմ այս փոքրիկ մարդու հանդեպ, վեր է իմ ընբռնումից։ Ես շնորհակալ եմ, որ ճանաչում եմ նրան, հպարտությամբ նրան իմն եմ անվանում, շնորհակալ եմ համատեղ կյանքի համար»:

Որոշ ժամանակ անց այս մասին գրառում է կատարել նաև Ջիջի Հադիդը:. «Այս հանգստյան օրերին մեր դուստրը միացել է մեզ, և նա արդեն փոխել է մեր աշխարհը»,- մանրամասնել է նա: