Կադաֆիի դուստրը գնդակահարել է 11 ապստամբի

Կադաֆիի 19-ամյա դուստրը` Նիսրանը, ձերբակալվել է Տրիպոլիի գրավման ժամանակ: Ներկայումս նա գտնվում է կալանքի տակ` Մատիգայի հիվանդանոցում:

Ինչպես տեղեկացնում է mignews.com-ը, Նիսրանը խոստովանել է, որ վերջին մարտերի ընթացքում 11 ապստամբ է գնդակահարել: «Նրանք մեկական մարդ էին ներս բերում սենյակ, եւ ես պետք է գնդակահարեի նրանց: Սկզբում ես փորձում էի չնայել, կողք կրակել, սական զինվորներն ինձ ասացին, որ եթե ես նրանց չսպանեմ, նրանք կսպանեն ինձ»,- պատմել է նա:

Աղջկա խոսքերով` անդամագրվել Կադաֆիի բանակին իրեն ստիպել է մայրը` Ֆաթմա էլ Դերբին, որը Կադաֆիի կուսակցության կանանց կազմակերպության ղեկավարն էր: Էլ Դերբին եւ Կադաֆին ամուսնալուծվել են մի քանի տարի առաջ:

Նիսրանը պատմել է նաեւ, որ իրեն բռնաբարել է Կադաֆիի անվտանգությամբ զբաղվող էլիտար բրիգադի հրամանատարը, իսկ վերջինիս ձեռքը աղջկան հանձնել է մայրը: