Բեռլուսկոնիի դուստրը վշտացած է հոր վարքից

Իտալիայի վարչապետ Սիլվիո Բեռլուսկոնիի աղջիկը խոսել է իր 74-ամյա հոր մասին՝ ասելով որ նա շատ վշտացած է իր հոր մասին սեռական բնույթի սկանդալներից:

«Vanity Fair» ամսագրի իտալական տարբերակի հետ հարցազրույցում 26-ամյա Բարբարա Բեռլուսկոնին ասել է. «Ես հիանում եմ նրանով և նրա բազում հաջողություններով, բայց ես իրավունք եմ վերապահում խելամիտ մոտեցում ունենալ իր կյանքի հանդեպ»:

«Այս սկանդալները ինձ վշտացրել են: Ես դժվարանում եմ դրանց համար պատասխան գտնել: Ակնհայտ է, որ ես համամիտ չեմ նրա որոշակի վարքի հետ, բայց ես պետք է փորձեմ հավատալ իմ հորը»,- ասել է նա:

Բարբարան Բեռլուսկոնիի երկրոդ ամուսնության երեք երեխաներից մեկն է: Նրա մայրը ապահարզան էր պահանջել Բեռլուսկոնիից, երբ իմացել էր, որ վերջինս մասնակցել էր 18-ամյա մոդել Նոեմի Լետիցիայի պատվին կազմակերպված երեկույթին, ում հետ, ըստ ասեկոսեների, Բեռլուսկոնին սիրային հարաբերությունների մեջ էր:

«Ինձ տխրեցնում է այն փաստը, որ երբեմն ես չեմ կարծում, որ Սիլվիո Բեռլուսկոնին արժանի է այն վերաբերմունքին, որը նա ստանում է: Նա շատ լավ բաներ է արել այս երկրի համար, կրքով և հպարտությամբ: Ամոթալի կլինի, եթե նրա քաղաքական կարիերան հիշվի միայն այս սկանդալների համար»,- ավելացրել է Բարբարան: