Իրաքը կանգնած է միջհարանվանական պատերազմի շեմին. Նուրի ալ Մալիքի

Իրաքը կանգնած է ներքին` միջհարանվանական պատերազմի շեմին, որում հաղթողներ չեն լինի. հայտարարել է երկրի վարչապետ Նուրի ալ Մալիքին` կոչ անելով համերկրացիներին` դիմայակել ներքին թշնամության հրահրմանը, որը, ըստ նրա, ձեռնտու է միայն Իրաքի արտաքին թշնամիներին կամ նախկին վարչակազմի կողմնակիցներին. տեղեկացնում է РИА Новости-ն:

«Իրադրությունը երկրում տագնապալի է: Մեզ անհրաժեշտ են քաղաքական կայունություն եւ պատասխանատու առաջնորդներ, որոնք պատրաստ կլինեն աշխատել միասին եւ կհասնեն իշխանության բոլոր ճյուղերի միջեւ համագործակցության»,- ասել է վարչապետը:

Նա ընդգծել է, որ ընդդիմադիր առաջնորդները ժողովրդի զգացմունքները օգտագործում են սեփական նպատակներին հասնելու համար, փորձում են ժողովրդական դժգոհությունների միջոցով օտար գաղափարների լոբբինգ անել:

Իրաքում լարվածության աճը պայմանավորված է երկու խոշոր իսլամական համայնքների` սուննիների եւ շիաների հակամարտությամբ: