Նեթանյահուն առաջադրվել է Խաղաղության Նոբելյան մրցանակի

«Հյուսիսի լիգա» կուսակցությունից Իտալիայի Պատգամավորների պալատի անդամ Պաոլո Գրիմոլդին Խաղաղության Նոբելյան մրցանակի համար առաջադրել է Իսրայելի վարչապետ Բենյամին Նեթանյահուի թեկնածությունը: Այս մասին հայտնում է «Կոմերսանտ» պարբերականը՝ «Մաարիվ» թերթին հղումով:

Պալատի անդամի խոսքով՝ Իսրայելի վարչապետը կարևորագույն ներդրում է ունեցել Մերձավոր Արևելքում խաղաղության հաստատման գործում` համաձայնագրեր ստորագրելով ԱՄԷ-ի, Բահրեյնի հետ, ինչպես նաև Սաուդյան Արաբիայի հետ երկխոսության մեջ մտնելով, ինչն արդեն հանգեցրել է նրան, որ թագավորությունը բացել է իր օդային տարածքն իսրայելական ինքնաթիռների համար:

«Այս բոլոր նվաճումներն ընդամենը մի քանի ամիս առաջ անհավանական էին թվում, ու հենց դրա համար Նեթանյահուն արժանի է Նոբելյան խաղաղության մրցանակի»,- պնդել է Պաոլո Գրիմոլդին: