Հարյուր հոգի մարդ ա սպասում, կառավարությունից ոչ մեկ չի իջնում, զրո արձագանք. ցուցարար

 Մանրածախ առևտրով զբաղվող ձեռնարկատերերը կառավարության շենքի առջև բողոքի ակցիա են իրականացնում ապրանքների մաքսազերծման փոփոխությունների դեմ: Նրանց պնդմամբ՝ փոփոխությունների արդյունքում իրենք ստիպված կլինեն  ներկրվող ապրանքի դիմաց մի քանի անգամ ավելի շատ մաքս վճարել:

 «Օրենքը պետք է վերանայվի: Մենք սպասում էինք փոփոխության, բայց ոչ նման թվերի ու ոչ այս պահին, երբ մարդիկ պայքարում են հացի համար»,- ասաց ցուցարարներից մեկը:

Ցուցարարներից մեկն էլ նշեց, որ իրենց զայրացնում է ՊԵԿ նախագահի և վարչապետի անտարբերությունը: «Հարյուր հոգի մարդ ա սպասում, կառավարությունից ոչ մեկ չի իջնում: Մենք խաղաղ հավաք ենք անում: Ոչ մեկ չի արձագանքում, թող մեկն իջնի, խոսի... Զրո արձագանք: Ոստիկաններին դիմում եմ, ասում եմ՝ ուզում եմ հասկանալ՝ ինչ-որ մեկը մեզ ընդունելո՞ւ ա, բան չեն պատասխանում»,- ասաց նա:

Նշենք, որ այս պահին ցուցարարները շարժվեցին դեպի ՊԵԿ: