Մխիթարյանը «Ռոմա»-ի հետ կնքել է 1+1 ձևաչափով պայմանագիրը

Հայաստանի ֆուտբոլի ազգային թիմի ավագ Հենրիխ Մխիթարյանը իտալական «Ռոմա»-ի հետ կնքել է 1+1 ձևաչափով պայմանագիրը:

Այս մասին Թվիթերի իր էջում գրել է իտալացի լրագրող Դավիդ Մորեսեկոն: Հայ կիսապաշտպանը «Ռոմայի» հետ կնքել է մեկ տարվա պայմանագիր, որը հնարավոր կլինի ևս մեկ տարով երկարաձգել: Հայտնի չէ, թե որքան կստանա Մխիթարյանը մայրաքաղաքային ակումբում:

Ավելի վաղ հայտնի էր դարձել, որ Ֆուտբոլի Հայաստանի հավաքականի գլխավոր մարզիչ Խոակին Կապառոսը հրապարակել է ազգային թիմի հայտացուցակը, որտեղ բացակայում են իտալական «Ռոմայի» կիսապաշտպան Հենրիխ Մխիթարյան, ինչպես նաև գերմանական «Հոֆենհայմի» հարձակվող Սարգիս Ադամյանի և Կիպրոսի ԱԵԼ-ի կիսապաշտպան Գեւորգ Ղազարյանի անունները: Հենրիխ Մխիթարյանը Խոակին Կապառոսին հայտնել է, որ այժմ արձակուրդում է, վերջին շրջանում չի մարզվել և չի կարող ցուցադրել իր ամբողջ կարողությունները, քանի որ լավ մարզավիճակում չէ: