Թուրքմենստանը ՄԱԿ-ի հետ կիսվելու է կորոնավիրուսի դեմ պայքարի փորձով

ՄԱԿ-ի Գլխավոր ասամբլեայում Թուրքմենստանը կկիսվի կորոնավիրուսի դեմ պայքարի իր փորձով: Այդ մասին երկրի կառավարության նիստում ասել է նախագահ Գուրբանգուլի Բերդիմուհամեդովը:

«Թուրքմենստանը կներկայացնի սեփական փորձը կորոնավիրուսային վարակի տարածմանը դիմակայելու հարցում, ներառյալ այն պաշտպանական միջոցները, որոնք ձեռնարկվել են ժամանակին՝ այս նոր սպառնալիքի ի հայտ գալուց ի վեր», - ասել է Բերդիմուհամեդովը:

Բերդիմուհամեդովը ելույթ կունենա ՄԱԿ-ի Գլխավոր ասամբլեայում: Կառավարության նիստում նա մեկ անգամ ևս շեշտեց, որ Թուրքմենստանի ձեռնարկած բոլոր միջոցներն արդյունավետ են եղել և ձեռնարկվել են ժամանակին:

Թուրքմենստանում, պաշտոնական տվյալների համաձայն, կորոնավիրուսով վարակման ոչ մի դեպք չկա:

Բացի այդ, նշենք, որ Թուրքմենստանում արգելված է օգտագործել կորոնավիրուս բառը։