Թյուրքական խորհուրդը կփոխի իր անունը, Թուրքմենստանը կդառնա կազմակերպության լիիրավ անդամ

Թյուրքալեզու պետությունների համագործակցության խորհրդի (Թյուրքական խորհուրդ) գագաթնաժողովում, որը տեղի կունենա հաջորդ ամիս, նախագահությունը կստանձնի Թուրքիան, իսկ Թուրքմենստանը կդառնա լիիրավ անդամ: Ըստ ադրբեջանական Report պարբերականի՝ այս մասին հայտնել է Թուրքիայի իշխող «Արդարություն և զարգացում» կուսակցության փոխնախագահ Բինալի Յըլդըրըմը:

Նրա խոսքով՝ այդպիսով 6 պետություն կդառնան կառույցի լիիրավ անդամ:

«Բացի դրանից՝ կազմակերպության անունը կփոխվի: Թյուրքալեզու պետությունների համագործակցության խորհուրդը կոչվելու է Թյուրքալեզու պետությունների կազմակերպություն: Կազմակերպության լիիրավ անդամներ կլինեն Թուրքիան, Ադրբեջանը, Ղազախստանը, Ղրղզստանը, Ուզբեկստանը և Թուրքմենստանը»,- ասել է Բինալի Յըլդըրըմը: