Ուզբեկստանն ու Տաջիկստանը հնարավոր է մտնեն ԵԱՏՄ, Թուրքմենստանը չի շտապում

Ղրղզստանը կցանկանար Տաջիկստանին, Ուզբեկստանին և Թուրքմենստանին տեսնել Եվրասիական տնտեսական միության կազմում. ասել է երկրի նախագահ Սադըր Ժապարովը:

Ղրղզստանի վարչապետի նախկին խորհրդական Կուբաթբեկ Ռահիմովը բացատրել է, որ Ուզբեկստանը հետևողական, փուլային շարժումներ է կատարում՝ որպես դիտորդ ԵԱՏՄ-ում: Դա ակտիվ մասնակցությունն է Եվրասիական միջկառավարական խորհուրդների, բարձրագույն տնտեսական խորհուրդների (որտեղ նախագահները հավաքվում են) նիստերին, գործադիր մարմիններում:

«Կարելի է հույս ունենալ, որ Ուզբեկստանը հաջողությամբ կմիանա միության անդամների կազմին և ԵԶԲ-ի (Եվրասիական զարգացման բանկ) բաժնետերերի թվին:

Տաջիկստանը կարող է անսպասելի կերպով արագացնել եվրասիական ինտեգրումը, բայց դա կապված կլինի աֆղանական սպառնալիքի հետ: Պարադոքսն այն է, որ ռազմաքաղաքական իրավիճակն ունակ է ակտիվացնել տարիներ շարունակ ձգձգվող բանակցությունները Դուշանբեի և ԵԱՏՄ-ի միջև: Տաջիկստանը կարող է ստանալ առնվազն դիտորդի կարգավիճակ:

Թուրքմենիստանը չի միանա ԵԱՏՄ-ին, քանի որ դա հակասում է երկրի Սահմանադրությանը` չեզոքության մասին դրույթին: Բացի դրանից՝ նրա բնակչությունը փոքր է, իսկ տնտեսությունը` նեղ ոլորտային: Թուրքմենստանի համար ամենաքիչն է հետաքրքիր  ԵԱՏՄ ընդհանուր էներգետիկ շուկան»,– նշել է Ռահիմովը։