Կիմ Չեն Ընը արդեն ամիսներ շարունակ կոմայի մեջ է. Սեուլ

Հյուսիսային Կորեայի առաջնորդ Կիմ Չեն Ընը մի քանի ամիս է գտնվում է կոմայի մեջ: Այս մասին հայտարարել է Հարավային Կորեայի նախկին նախագահ Կիմ Դե Չժունի օգնական Չան Սոն Մինը:

Ըստ նրա՝ «Կիմ Չեն Ընը կոմայի մեջ է, բայց մեռած չէ»: Խմբագրվել են նրա հրապարակային ներկայացումների վերջին բոլոր ձայնագրությունները: Կիմ Չեն Ընի որոշ պարտականություններ փոխանցվել է նրա քրոջը՝ Կիմ Յո Չենին. հայտնում է «Ինտերֆաքս»-ը:

Այս տարվա ապրիլին ԿԺԴՀ ղեկավարը մոտ երեք շաբաթ հանրության մեջ չէր հայտնվել: Դրա պատճառով լուրեր կային, որ նա ծանր հիվանդ է կամ նույնիսկ մահացել է: Բայց մայիսին նրա լուսանկարը հայտնվեց հանքային պարարտանյութի գործարանի բացման ժամանակ:

Միևնույն ժամանակ, տեղեկություններ հայտնվեցին ԿԺԴՀ-ում իշխանությունը վերաբաշխելու մասին: Այսպիսով, անցած շաբաթ Հարավային Կորեայի Ազգային հետախուզական գործակալությունը հաղորդել էր, որ ԿԺԴՀ առաջնորդ Կիմ Չեն Ընը իր լիազորությունների մի մասը փոխանցել է մի խումբ պաշտոնյաների և նշանակել է իր քրոջը՝ Կիմ Յո Չենին, ըստ էության՝ երկրի երկրորդ մարդուն: Նա այժմ նաև պատասխանատու է Փհենյանի և Սեուլի ու Վաշինգտոնի հետ հարաբերությունների համար: