Ռուսաստանը համաձայնության է եկել Սիրիայի հետ՝ ընդլայնել Հմեյիմի ռազմաբազան

Ռուսաստանն ու Սիրիան պայմանավորվել են լրացուցիչ տարածքի փոխանցման մասին՝ Խմեյիմի ավիաբազայի ընդլայնման համար:

Ռուսական զորքերի տեղակայման մասին պայմանագրի արձանագրությունը հրապարակվել է իրավական տեղեկատվության պաշտոնական պորտալում: Մոսկվան այն ստորագրել է հուլիսի 30-ին, Դամասկոսը՝ հուլիսի 21-ին:

Խոսքը գնում է Լաթաքիայի նահանգում ութ հեկտար տարածքի մասին. կողմերը պայմանավորվել են այնտեղ տեղակայել Ռուսաստանի ավիացիոն խմբի բժշկական և վերականգնողական կենտրոնը:

Ավելի վաղ ՌԴ նախագահ Վլադիմիր Պուտինը հանձնարարել էր բանակցություններ վարել Դամասկոսի հետ Սիրիայում բազաների տարածքների ընդլայնման վերաբերյալ: Ռուսաստանի օդատիեզերական ուժերի ավիացիոն խումբը գտնվում է Խմեյմիմի օդանավակայանում 2015 թվականից ի վեր, երբ ռուսական զորքերը սկսեցին մասնակցել տարածաշրջանում ահաբեկիչների դեմ ռազմական գործողություններին: