Թուրքիան և Ռուսաստանը համաձայնության են եկել Սիրիայում հրադադար հաստատելու հարցում. Anadolu

Թուրքական իշխանամետ «Անադոլու» գործակալությունը տեղեկացնում է, որ Թուրքիան և Ռուսաստանը Սիրիայում ընդհանուր հրադադար նախատեսող ծրագրի շուրջ համաձայնության են եկել:

Ըստ այդմ՝ Հալեպի արևելյան հատվածում հրադադարի հաստատումից հետո Սիրիայի ողջ տարածքում նախատեսվում է հրադադար հաստատել: Հրադադարի պլանը կներկայացվի Սիրիայի կառավարությանը և նրան աջակցող խմբավորումներին, ինչպես նաև սիրիական զինված ընդդիմադիր խմբավորումներին:  

Նշվում է, որ հրադադարի` հաջողությամբ գործելու դեպքում, Ռուսաստանի և Թուրքիայի առաջնորդությամբ, Աստանայում Սիրիայի կառավարության և ընդդիմադիրների միջև բանակցություններ կսկսվեն: