Քրդերը հրթիռակոծել են Սիրիայի հյուսիսում տեղակայված ամերիկյան ռազմաբազան

Մոտ մեկ օր առաջ ալ Օմարե խոշոր նավթահանքի մոտակայքում տեղակայված ամերիկյան ռազմաբազան մասշտաբային հարձակման է ենթարկվել սիրիացի քրդերի կողմից: Ըստ avia.pro կայքի` կրակել են համազարկային ռեակտիվ համակարգերից և ականանետներից: Դա քրդերի առաջին հարձակումն է Սիրիայում ԱՄՆ դիրքերի վրա

Պաշտոնական Վաշինգտոնը հրաժարվում է մեկնաբանել քրդերի հարձակումը, սակայն ավելի ուշ հրապարակված տեսանյութից երևում է, որ խոսքը լուրջ էսկալացիայի մասին է:

Ըստ վերլուծաբանների` քրդերին, հավանորեն, հունից հանել է ԱՄՆ նախագահ Դոնալդ Թրամփի` վերջերս արած հայտարարությունը, թե ԱՄՆ-ը վերահսկում է Սիրիայի ամբողջ նավթը և կանի դրա հետ այն ամենը, ինչ կամենա: