Ալեքսեյ Նավալնիի շուրջ ստեղծված իրավիճակը պահանջում է թափանցիկություն. Մերկել

Գերմանիայի կանցլեր Անգելա Մերկելն անդրադարձել է Ալեքսեյ Նավալնիի շուրջ ստեղծված  իրավիճակին ու հայտարարել, որ տվյալ գործի քննությունը պահանջում է թափանցիկություն:

«Պետք է պարզվի, թե ինչպես է դա տեղի ունեցել», – ասել է Անգելա Մերկելը` հույս հայտնելով, որ  Ալեքսեյ Նավալնին արագ կապաքինվի:

«Եթե նրանք դիմեն մեզ, մենք կտրամադրենք բժշկական օգնություն՝ ներառյալ գերմանական հիվանդանոցներում»,- ավելացրեց նա:

Ավելի վաղ տեղեկացրել էինք, որ Ֆրանսիայի նախագահ Էմանուել Մակրոնը հայտարարել է, որ Ֆրանսիան անհրաժեշտության դեպքում պատրաստ է ապաստան տրամադրել թունավորված ռուս ընդդիմադիր Ալեքսեյ Նավալնիին:

Ֆրանսիայի ղեկավարը նշել էր, որ ինքը Նավալնու հետ կապված միջադեպը քննարկել է Գերմանիայի կանցլեր Անգելա Մերկելի հետ:

Նշենք, որ Ալեքսանդր Նավալնիի ինքնազգացողությունը կտրուկ վատացել էր ինքնաթիռում: Օդանավն արտակարգ վայրէջք էր կատարել Օմսկում, որտեղ քաղաքական գործիչը հոսպիտալացվել է:

Օմսկի բժիշկները հայտնել են, որ պայքարում են Ալեքսեյ Նավալնիի կյանքի համար: Քաղաքական գործչի վիճակը կայուն է, սակայն նա դեռ գտնվում է կոմայի մեջ: