Թուրքիան կարող է հետ կանչել Աբու Դաբիի իր դեսպանին՝ ԱՄԷ-ի և Իսրայելի միջև համաձայնագրի պատճառով

Թուրքիան կարող է հետ կանչել Աբու Դաբիի իր դեսպանին՝ Արաբական Միացյալ Էմիրությունների (ԱՄԷ) և Իսրայելի միջև երկկողմ հարաբերությունները կարգավորելու պայմանավորվածության պատճառով: Այս մասին հայտարարել է Թուրքիայի նախագահ Ռեջեփ Թայիփ Էրդողանը. հայտնում է ՏԱՍՍ-ը:

«Մեր կողմից կարող են քայլեր ձեռնարկվել ընդդեմ ԱՄԷ-ի, մինչև դիվանագիտական հարաբերությունների դադարեցումը կամ Աբու Դաբիից մեր դեսպանի հետ կանչումը», - ասել է Թուրքիայի ղեկավարը:

Մեկ օր առաջ Պաղեստինը հայտարարեց ԱՄԷ-ից իր դեսպանի հետ կանչման մասին՝ Իսրայելի հետ հարաբերությունների կարգավորման որոշումից հետո:

Հինգշաբթի օրը ԱՄՆ նախագահ Դոնալդ Թրամփը հայտարարել էր, որ Իսրայելը և ԱՄԷ-ն համաձայնություն են ձեռք բերել երկկողմ հարաբերությունների լիարժեք կարգավորման վերաբերյալ: Համաձայն պայմանավորվածությունների՝ Իսրայելը կդադարեցնի Հորդանան գետի Արևմտյան ափին գտնվող հրեական բնակավայրերի վրա իր ինքնիշխանության տարածման մասին որոշումը, որը նախատեսված է Պաղեստին-Իսրայելական հակամարտության կարգավորման ամերիկյան ծրագրով: Իսրայելից և Արաբական Միացյալ Էմիրություններից պատվիրակությունները կարող են երկկողմ համաձայնագրեր ստորագրել մոտակա օրերին, ներառյալ՝ ներդրումների, զբոսաշրջության, ուղիղ թռիչքների, անվտանգության, հեռահաղորդակցության, տեխնոլոգիաների, էներգետիկայի, առողջապահության, մշակույթի, շրջակա միջավայրի, դեսպանությունների փոխադարձ հիմնադրման և այլ ոլորտների վերաբերյալ:

Պաղեստինի ղեկավարությունը խիստ կոշտ էր արձագանքեցլ Աբու Դաբիի այդ քայլին՝ անվանելով դա դավաճանություն և «արաբական խաղաղության նախաձեռնության ոչնչացում»:

ԱՄԷ-ի քննադատել էին նաև Թուրքիան և Իրանը։