Աբու Դաբիի հարձակման ժամանակ կիրառվել են իրանական հրթիռներ

Եմենում «Անսար Ալլահ» (հութի) շարժման ապստամբները հայտնել են, որ ԱՄԷ-ի վրա հարձակման ժամանակ կիրառվել են իրանական արտադրության «Քուդս-2» և «Զուլֆիկար» բալիստիկ հրթիռներ, ինչպես նաև հարվածային անօդաչու թռչող սարքեր:

Շարժման հրամանատարության խոսնակ Յահյա Սերին Twitter-ում հարձակումն անվանել է «Փոթորիկ Եմեն» օպերացիա։

«Աբու Դաբիի օդանավակայանին և Էլ Մուսաֆահի տարածքում գտնվող նավթային օբյեկտներին հարվածներ են հասցվել «Քուդս-2» բալիստիկ հրթիռներով, իսկ Դուբայի օդանավակայանին՝ «Զուլֆիկար» հրթիռով: Միևնույն ժամանակ, հարվածային անօդաչու թռչող սարքերը հարվածել են ԱՄԷ-ի այլ «զգայուն օբյեկտների»»,- գրել է հութիների ներկայացուցիչը։

Նախօրեին ԱՄԷ-ի վրա հարձակումների զոհ է դարձել 3 մարդ, ևս 6-ը՝ վիրավորվել։