Պաշտոնապես փակվեց Չինաստանի Չենդու քաղաքում գտնվող ԱՄՆ-ի գլխավոր հյուպատոսությունը

Չինաստանի հարավ-արևմուտքում գտնող Չենդու քաղաքում ԱՄՆ-ի գլխավոր հյուպատոսությունը պաշտոնապես փակ է. այս մասին է ասվում Չինաստանի ԱԳՆ հայտարարությունում, հայտնում է ՌԻԱ «Նովոստի»-ն։

Հայտարարությունում, մասնավորապես, ասվում է. «Հուլիսի 27-ին՝ ժամը 10։00-ին, Չենդուում ԱՄՆ գլխավոր հյուպատոսությունը փակվել է՝ չինական կողմի պահանջի համաձայն», ու հավելվում՝ դիվանագիտական հաստատությունը բացվել էր 1985 թվականին։

Հիշեցնենք՝ չինական կողմը նման քայլի է դիմել՝ ի պատասխան ԱՄՆ-ի գործողությունների։ ԱՄՆ-ը Չինաստանից պահանջել էր փակել Հյուսթոն քաղաքում տեղակայված չինական գլխավոր հյուպատոսությունը՝ ամերիկացիների մտավոր սեփականության ու անձնական տվյալների պաշտպանության նպատակով։

Դեպքի մասին պատմող ARIRANG NEWS-ի ռեպորտաժը՝ ստորև.