Միասին կարող ենք
կարևոր
0 դիտում, 6 տարի առաջ - 2020-02-02 13:22
Հասարակություն

Չինաստանի Ուհան քաղաքում գտնվող ՀՀ քաղաքացին տարհանվել է և տեղափոխվել Ղազախստան․ ԱԳՆ

Չինաստանի Ուհան քաղաքում գտնվող ՀՀ քաղաքացին տարհանվել է և տեղափոխվել Ղազախստան․ ԱԳՆ

ՀՀ ԱԳՆ-ից հայտնում են, որ փետրվարի 2-ին Ղազախստանի մեր գործընկերների հետ համագործակցության արդյունքում Չինաստանի Ուհան քաղաքում գտնվող և տարհանման ցանկություն հայտնած ՀՀ քաղաքացի Սուսաննա Աղաջանյանը տարհանվել է և տեղափոխվել Ղազախստան: Այս մասին ֆեյսբուքյան իր էջում գրել է ԱԳՆ խոսնակ Աննա Նաղդալյանը։

«ՀՀ դեսպանությունը մշտական կապի մեջ է մեր քաղաքացու հետ և քայլեր են ձեռնարկվում վերջինիս հնարավորինս շուտ Հայրենիք վերադարձնելու ուղղությամբ:

Մեր խորին շնորհակալությունն ենք հայտնում Ղազախստանի մեր գործընկերներին՝ Հայաստանի խնդրանքին արագ արձագանքելու և ցուցաբերած աջակցության համար»,-նշել է նա: