Էրդողանը Հռոմի Պապին հրավիրել է այցելել Սբ. Սոֆիա

Թուրքիայի նախագահ Ռեջեփ Թայիփ Էրդողանը հրավիրել է կաթոլիկ եկեղեցու առաջնորդ Հռոմի Ֆրանցիսկոս պապին այցելել Սբ. Սոֆիա. հայտնում է Anadolou գործակալությունը:

Ըստ Թուրքիայի նախագահի մամուլի քարտուղար Իբրահիմ Քալընի՝ Թուրքիան բոլորին հրավիրել է մզկիթ, այդ թվում՝ Ֆրանցիսկոս պապ:

Անցյալ շաբաթ Ֆրանցիսկոս պապը դատապարտել էր Հաջիա Սոֆիան մզկիթ վերածելու Թուրքիայի որոշումը: «Իմ մտքերը գնում են Ստամբուլ: Ես մտածում եմ Հաջիա Սոֆիայի մասին և շատ եմ տխրել», - ասաց նա:

«Մենք քայլեր ենք ձեռնարկում, որպեսզի մուսուլմանական աղոթքների ընթացքում խճանկարները ծածկված լինեն», - ասել է Քալընը  թուրքական CNN- ին:

«Էությունն այն է, որ խճանկարները, պատկերները, պատմական հյուսվածքները և շենքի ճարտարապետությունը չեն վնասվի», - ավելացրեց նա:

Թուրք պաշտոնյան ասաց, որ Այա Սոֆիա մզկիթը բաց կլինի ցանկացած կրոնի հավատացյալների կամ ոչ հավատացյալների համար`մահմեդականներ, քրիստոնյաներ, բուդդայականներ, բոլորի համար:

«Հաջիա Սոֆիայի մզկիթ վերածելու արձագանքը հիմնված է հին հայացքների ու նախապաշարմունքների վրա. Թուրքիայում կրոնական ազատություն կա», - ասել է Քալընը:

Նշենք, որ Սբ. Սոֆիա մզկիթը աղոթքի համար բաց կլինի հուլիսի 24-ից:

Առաջին աղոթքը կանցկացվի սահմանափակ թվով մարդկանցով, այդ թվում Էրդողանի։