Մանկապղծության զոհերը դատի են տվել Հռոմի պապին

Կաթոլիկ քահանաների կողմից մանուկ հասակում սեքսուալ ոտնձգությունների զոհ դարձած մի խումբ քաղաքացիներ դիմել են Հաագայի միջազգային դատարան` խնդրելով հետաքննություն անցկացնել Հռոմի պապ Բենեդիկտոս 16-րդի և երեք բարձրաստիճան կարդինալների նկատմամբ, որոնք չեն կանխել հանցագործությունը. հաղորդում է BBC-ն:

«Հանցագործությունը, որին զոհ են գնացել տասնյակ հազարավոր անչափահասներ, Վատիկանի պաշտոնյաները փորձում են կոծկել»,- հայտարարել է Նյու Յորքում գտնվող Սահմանադրական իրավունքի պաշտպանության կենտրոնի փաստաբան Պեմ Սպիզը:

Կենտրոնի աշխատակիցները պնդում են, որ կաթոլիկ եկեղեցու ղեկավարությունը չի կարողացել կանխել մանկահասակ երեխաների պղծումը: Իսկ Վատիկանի փաստաբանն այդ հայցը համարել է «անիմաստ գովազդային հնարք»:

Հաագայի դատարանի թույլտվությամբ արդեն ձերբակալվել են մանկապիղծ քահանաներ ԱՄՆ-ից, Գերմանիայից, Բելգիայից եւ Նիդերլանդներից: