Լուկաշենկոն 12 տարվա ընթացքում առաջին անգամ դեսպան է նշանակել ԱՄՆ-ում

Բելառուսի նախագահ Ալեքսանդր Լուկաշենկոն մի շարք երկրներում դեսպաններ է նշանակել. այս մասին գրում է ԲԵԼՏԱ-ն, նշելով՝ այդպիսով փոխարտգործնախարար Օլեգ Կրավչենկոն կդառնա ԱՄՆ-ում դիվանագիտական առաքելության ղեկավարը: Բելառուսն ԱՄՆ-ում դեսպան է նշանակել 12 տարվա ընթացքում առաջին անգամ:

Բացի այդ՝ գործակալության տվյալներով՝ Նիդեռլանդներում դեսպան կդառնա Բելառուսի ԱԳՆ ղեկավարի առաջին տեղակալ Անդրեյ Եվդոչենկոն:

Գերատեսչության ղեկավարի մեկ այլ տեղակալ՝ Անդրեյ Դապկյունասը, դեսպան կդառնա Ավստրիայում: Նա նաև համատեղության կարգով կստանձնի դեսպանի պաշտոնը Սլովենիայում:Միևնույն ժամանակ նա կդառնա Բելառուսի մշտական ներկայացուցիչը Վիեննայի միջազգային կազմակերպություններում և Եվրոպայում անվտանգության և համագործակցության կազմակերպությունում (ԵԱՀԿ):