կարևոր
4135 դիտում, 10 ամիս առաջ - 2023-05-04 18:31
Աշխարհ

Պակիստանի ԱԳ նախարարը գրեթե 12 տարվա ընթացքում առաջին անգամ այցելել է Հնդկաստան

Պակիստանի ԱԳ նախարարը գրեթե 12 տարվա ընթացքում առաջին անգամ այցելել է Հնդկաստան

Պակիստանի ԱԳ նախարար Բիլավալ Բհուտտո Զարդարին հինգշաբթի ժամանել է Գոա, որտեղ կմասնակցի Շանհայի համագործակցության կազմակերպության (ՇՀԿ) հանդիպմանը, հաղորդում է The Hindustan Times-ը:

Նշվում է, որ Բհուտտո Զարդարին գրեթե 12 տարվա ընթացքում դարձել է Պակիստանի արտաքին գործերի առաջին նախարարը, որը ժամանել է Հնդկաստան: 

Պակիստանից մեկնելուց առաջ նա նշել է, որ մտադիր է «հստակ ուղերձ հայտնել Պակիստանի համար ՇՀԿ-ի կարեւորության մասին»։

Թերթը նշում է, որ Հնդկաստանի եւ Պակիստանի ԱԳ նախարարների երկկողմ բանակցությունների ծրագրերի մասին առայժմ տեղեկություններ չկան:

Հնդկաստանի եւ Պակիստանի հարաբերությունները պատմականորեն լարված են եղել, մասնավորապես՝ Քաշմիրի հետ կապված իրավիճակի պատճառով։ Քաշմիրը մեծամասամբ մահմեդականներով բնակեցված տարածք է, որը բաժանված է Հնդկաստանի եւ Պակիստանի միջեւ։ Երկու երկրների անկախությունից ի վեր՝ 1947 թվականին, տարածաշրջանում կարգավորումը մնում է նրանց հարաբերությունների հիմնական խնդիրը: