Թուրքիան ժամանակավորապես դադարեցրել է թռիչքները Իրանի և Աֆղանստանի հետ

Թուրքական իշխանությունները ժամանակավորապես դադարեցրել են թռիչքները Իրանի և Աֆղանստանի հետ՝ որպես կորոնավիրուսային վարակի դեմ պայքարի միջոցառումների մաս: Ինչպես հայտնում է Anadolu գործակալությունը, այդ մասին ասվում է հուլիսի 19-ին՝ Թուրքիայի տրանսպորտի և ենթակառուցվածքների նախարարության հաղորդագրության մեջ:

Հիշեցնենք, որ հուլիսի 19-ին Թուրքիայի առողջապահության նախարար Ֆահրեթթին Քոջան թվիթերյան իր էջում հայտնել էր, որ ամեն օր Թուրքիայում հայտնաբերվում են կորոնավիրուսի ավելի քան 900 նոր հաստատված դեպքեր:

Նշենք, որ հուլիսի 19-ին Իրանի նախագահ Հասան Ռոհանին հայտարարել էր, որ Իրանում մոտ 25 միլիոն մարդ վարակվում է նոր տեսակի կորոնավիրուսով: