Կազանի օդանավակայանը ժամանակավորապես դադարեցրել է թռիչքները

Կազանի օդանավակայանում անվտանգության նկատառումներով թռիչքների ժամանակավոր սահմանափակումներ են մտցվել։ Երեքշաբթի օրը՝ դեկտեմբերի 31-ին հայտնել է «Ռոսավիացիայի» ներկայացուցիչ Արտեմ Կորենյակոն։

«Քաղաքացիական ինքնաթիռների թռիչքների անվտանգությունն ապահովելու նկատառումներից ելնելով այսօր առավոտյան ժամանակավոր սահմանափակումներ են մտցվել Կազանի օդանավակայանի աշխատանքում»,- տելեգրամում գրել է նա: 

Հստակեցվում է, որ  ժամանակավորապես չեն իրականացվի թռիչքներ, չեն ընդունվի չվերթներ։ Օդանավակայանի ծառայությունները և ավիադիսպետչերները, անձնակազմը ձեռնարկում են բոլոր անհրաժեշտ միջոցները թռիչքների անվտանգությունն ապահովելու համար։