ՏԵՍԱՆՅՈՒԹ․ Սեպտեմբերին Տավուշում ներդրումային համաժողով կանցկացվի․ մարզպետ

Տավուշի Բերդ քաղաքում և սահմանամերձ համայնքներում մարդիկ լիարժեք ներգրավված են իրենց աշխատանքում, իսկ հակառակորդի հրետակոծությունների հետեւանքով վնասված շինությունների վերականգնողական աշխատանքներն ընթանում են մեծ ծավալով՝ ըստ Yerkir.am-ի հայտարարեց Տավուշի մարզպետ Հայկ Չոբանյանը մամուլի ասուլիսում:

«Առավել կարեւոր է ամբողջությամբ տնտեսական կյանքին վերադառնալը: Վերականգնողական ծրագրերին այսօրվանից կփոխարինեն զարգացման ծրագրերը: Մենք վերանվանում ենք այս տերմինը եւ զբաղվում սահմանամերձ համայնքների զարգացման ծրագրերով: Արձանագրել ենք բոլոր տնտեսական-քաղաքաշինական խնդիրները»,-ասաց նա:

Այսօր ստեղծված հանձնաժողովը կուսումնասիրի նաև գյուղատնտեսական վնասները։

«Հակառակորդի հրետակոծությունից նաև գյուղատնտեսական տարածքներ եւ ֆերմաներ են վնասվել: Մի քանի օրում կավարտենք ուսումնասիրությունը, և հետևանքներին կտրվի համապատասխան վերաբերմունք: Սոցիալ-հոգեբանական հանձնաժողովներում էլ ներգրավում ենք միջազգային կառույցներին, որոնք գործում են Տավուշի մարզում: Գյուղերում պետք է աշխատենք ըստ կարիքի միջոցառումներ անցկացնելու ուղղությամբ, այդ թվում՝ երեխաների ամառային հանգիստը կազմակերպելու նպատակով: Հակահամաճարակային կանոններն, իհարկե, պահպանվելու են»,-ասաց մարզպետը:

Սեպտեմբերին Տավուշի մարզպետարանը կազմակերպելու է ներդրումային առցանց համաժողով, ասաց մարզպետը. «Նպատակն է, որպեսզի մեկ անգամ էլ ձևակերպենք հիմնական ռազմավարական ծրագրերը, որոնք զարգացնելու են և ամրացնելու մեր սահմանները»:

Մանրամասն՝ տեսանյութում․