Չինաստանը պատրաստվում է դոլարային վճարային համակարգերից հնարավոր անջատմանը

Չինաստանի արժեթղթերի վերահսկման հանձնաժողովի փոխնախագահ Ֆան Սինհայը հայտարարել է, որ երկիրը պետք է պատրաստվի դոլարային վճարային համակարգերից հնարավոր անջատմանը, հայտնում է ՏԱՍՍ-ը:

Ըստ Սինհայի՝ այդ համակարգերից կախվածությունը Չինաստանին խոցելի է դարձնում ԱՄՆ-ի հավանական պատժամիջոցներից: Խոսքը տեղեկատվության փոխանցման և վճարումների իրականացման SWIFT համակարգի և միջբանկային էլեկտրոնային քլիրինգային հաշվարկների CHIPS համակարգի մասին է:

Միևնույն ժամանակ Սինհայի խոսքով՝ դոլարի հնարավոր արժեզրկումը կարող է բացասաբար անդրադառնալ նաև Չինաստանի վրա: Այս առնչությամբ նա առաջարկել է Պեկինի 2 տրիլիոն դոլար ոչ ֆինանսական ներդրումներն արտերկրում փոխարինել յուանով:

Հիշեցնենք՝ ավելի վաղ ԱՄՆ նախագահ Դոնալդ Թրամփը օրինագիծ է ստորագրել, որը թույլ է տալիս պատժամիջոցներ կիրառել չինացի պաշտոնյաների նկատմամբ: