ԵՏՄ-ում սկսվում են միասնական վճարային համակարգի ստեղծման աշխատանքները

Եվրասիական տնտեսական միությունը սկսում է միասնական ֆինանսական շուկայի ստեղծման աշխատանքները. գրում է Российская газета-ն:

Տեղեկության համաձայն՝ Եվրասիական տնտեսական հանձնաժողովն անցնում է ԵՏՄ-ի շրջանակներում Ռուսաստանի, Բելառուսի և Ղազախստանի ազգային արժույթների կիրառման ընդլայնմանը:Սկսվել են նաև միասնական վճարային համակարգի ստեղծման աշխատանքները:

 «РГ»-ի փորձագետների համաձայն՝ երբ այս գաղափարներն իրականացվեն, հնարավոր կլինի սկսել մտածել միասնական արժույթի ստեղծման մասին: Բոլոր այս գործընթացներն, ըստ նրանց,  այժմ առավել պահանջված կլինեն ԵՄ-ի, ԱՄՆ-ի կողմից Ռուսաստանի նկատմամբ պատժամիջոցների սահմանումից հետո: 

Շարքային քաղաքացիները, ինչպես ֆիզիկական, այնպես էլ իրավաբանական անձինք, հավանաբար, պատժամիջոցներն իրենց վրա չեն զգա: Սակայն, նրանք, ովքեր մտավախություններ ունեն, գումարները կտեղափոխեն Չինաստան և Հոնկոնգ: