ԱՄՆ-ն իրավունք չունի չարաշահել իր դիրքերը ՄԱԿ-ում և ՄԱԳԱՏԷ-ում. Զարիֆ

Իրանի արտգործնախարար Մոհամմադ Ջավադ Զարիֆն իր ուղերձում անդրադարձել է ԱՄՆ փորձերին՝ Իրանի հետ հարաբերությունների լարվածության սրման ուղղությամբ՝ ասելով, որ ԱՄՆ իշխանությունները իրավունք չունեն չարաշահել իրենց դիրքերը ՄԱԿ-ում և Ատոմային էներգիայի միջազգային գործակալությունում (ՄԱԳԱՏԷ)՝ սևացնելով Իրանի համբավը. հայտնում է իրանական IRNA գործակալությունը:

«Միացյալ Նահանգները փորձել է բարձրացնել լարվածությունը Իրանի հետ և շփոփեցնել այլ երկրներին, որպեսզի հետևեն իրենց քաղաքականությանը», - գրել է Զարիֆը Twitter- ում: «Այնուամենայնիվ, ճանաչելով Իրաքում տեղի ունեցած ահաբեկչական սպանությունը, Եմենում և Պաղեստինում տեղի ունեցած ռազմական հանցագործություններին հանցակցությունը, ծովահենությունը, ՄԱԿ-ի ԱԽ 2231 բանաձևը և ՄԱԳԱՏԷ-ի որոշումները խախտելը, ԱՄՆ-ն իրավունք չունի չարաշահել միջազգային կազմակերպություններում իր դիրքերը», - ասաց նա:

Ավելի վաղ, Վիեննայում միջազգային կազմակերպություններում Իրանի մշտական ներկայացուցիչ Կազեմ Գարիբաբադին ՄԱԳԱՏԷ-ի գլխավոր տնօրենին ուղղված նամակում նախազգուշացրել էր միջուկային համագործակցության ոլորտում միջազգային պարտավորությունների ուղղությամբ ԱՄՆ անօրինական քայլերի և այս ուղղությամբ խոչընդոտների ստեղծման մասին:

Նշելով, որ Իրանն իրավունք ունի պատասխան քայլերի դիմել, Զարիֆը ՄԱԳԱՏԷ-ի անդամներին կոչ է արել պատասխանատու գործել ընդդեմ ԱՄՆ-ի ապօրինի գործողությունների: