Կոպենհագենի կենդանաբանական այգուց պանդա է փախել

Կոպենհագենի կենդանաբանական այգու հսկա պանդաներից մեկը երկուշաբթի առավոտյան փախել էր և շրջում էր այգում, մինչ այն պահը, երբ աշխատակիցները կարողացան հանգստացնել նրան ու հետ տանել. այս մասին հայտնում է AP-ն:

Նշվում է՝ 7-ամյա արու Սին Էրը, որն անցյալ տարի էր բերվել կենդանաբանական այգի, փախել էր՝ մենակ թողնելով  Մաո Սան անունով որձ պանդային: Կենդանաբանական այգու ներկայացուցիչ Բենգտ Հոլսթն այս առնչությամբ ասել էր, որ տեսագրության մեջ աշխատակիցները տեսել են, թե ինչպես է «արու պանդան վերև բարձրանում մետաղական ձողի վրայով, որը երեք շարք էլեկտրական լարերով է պատված, իսկ հետո դուրս է գալիս այգի»:

Ըստ նրա՝ կենդանաբանական այգին քննարկում է ցանկապատի շուրջ անվտանգության համակարգում փոփոխություններ կատարելու հնարավորությունը, «որպեսզի նման բան այլևս չկրկնվի»: